सुनको भाउ आकाशियो: प्रतितोला ३ लाख पार, चाँदी पनि महँगियो

काठमाडौंमा सोमबार सुनको मूल्य उल्लेखनीय रूपमा वृद्धि भई नयाँ उचाइमा पुगेको छ। साताको दोस्रो दिन सुनको भाउ प्रतितोला १ हजार ३ सय रुपैयाँले बढ्दै ३ लाख रुपैयाँको सीमा पार गरेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख ५ सय रुपैयाँमा कारोबार भइरहेको छ। यसअघि आइतबार भने सुनको मूल्य २ लाख ९९ हजार २ सय रुपैयाँ कायम थियो।

त्यसैगरी, आज १० ग्राम सुनको मूल्य २ लाख ५७ हजार ६ सय ३० रुपैयाँ निर्धारण गरिएको छ।

सुनसँगै चाँदीको मूल्यमा पनि वृद्धि देखिएको छ। महासंघका अनुसार चाँदी प्रतितोला ५० रुपैयाँले बढेर ५ हजार ४५ रुपैयाँ पुगेको छ, जुन अघिल्लो दिन ४ हजार ९ सय ९५ रुपैयाँमा कारोबार भएको थियो।

आजका लागि १० ग्राम चाँदीको मूल्य ४ हजार ३ सय २५ रुपैयाँ तोकिएको महासंघले जनाएको छ।