नेप्से ९.९३ अंकले बढ्यो, कारोबार रकम एक महिनाको उच्चमा पुगेको छ

२२ पुस, काठमाडौं । मंगलबार सेयर बजार परिसूचक नेप्से ९.९३ अंकले बढ्दै २६४९ अंकमा पुगेको छ । दिनभर बजारमा केही उतारचढाव देखियो भने कारोबार रकम एक महिनायताको उच्च स्तरमा पुगेको छ।

आज कारोबार रकम ७ अर्ब १२ करोड पुगेको छ, जुन अघिल्लो दिनको ६ अर्ब ४७ करोडको तुलनामा बढेको हो। कुल १४८ कम्पनीको मूल्य बढ्दा १०३ को घट्यो भने ८ कम्पनीको मूल्य स्थिर रह्यो।

बजारमा फाइनान्स समूह सबैभन्दा बढी २.८७ प्रतिशतले बढ्दा, हिजो उत्पादन तथा प्रशोधन समूहले सबैभन्दा बढी ३ प्रतिशत वृद्धि देखाएको थियो। तर आज उत्पादन तथा प्रशोधन समूह ०.५१ प्रतिशत घटेको छ। होटल तथा पर्यटन समूह ०.२३ प्रतिशतले घटेको छ।

बैंकिङ ०.४३, विकास बैंक ०.७९, हाइड्रोपावर ०.१३, लगानी ०.३२, जीवन बीमा ०.०४, माइक्रोफाइनान्स ०.८४, निर्जीवन बीमा ०.१२, अन्य ०.७७ र व्यापार ०.५४ प्रतिशतले बढेका छन्।

आज जीवन विकास लघुवित्तको मूल्य सबैभन्दा बढी १० प्रतिशत बढ्दा, थ्रीस्टार हाइड्रोपावर ९.५४, जानाकी फाइनान्स ५.८३, गुडविल फाइनान्स ५.४६ र एसवाई प्यानल ५.४३ प्रतिशतले वृद्धि भएको छ।

त्यस्तै, रुरु जलविद्युतको मूल्य सबैभन्दा धेरै ८.४१ प्रतिशत घटेको छ। ट्रेड टावर ६.२६, सान्भी इनर्जी ५.६१, बन्दीपुर केबुलकार ५.४२ र श्रीनगर एग्रिटेक कम्पनी ५.१६ प्रतिशतले घटेका छन्।

आज धेरै कारोबार भएका प्रमुख कम्पनीहरूमा एसवाई प्यानल, बुटवल पावर, शिवम् सिमेन्ट, बन्दीपुर केबुलकार र मञ्जुश्री फाइनान्स छन्।