काठमाडौँ - मंगलबार अपराह्नदेखि देशका विभिन्न पहाडी तथा हिमाली भू-भागमा असिनासहित वर्षा भएको छ।
जल तथा मौसम विज्ञान विभाग अन्तर्गतको मौसम पूर्वानुमान महाशाखाका अनुसार हाल देशका केही पहाडी र हिमाली जिल्लाहरूमा असिना पानी परिरहेको छ।
विशेषगरी काठमाडौं, ओखलढुंगा लगायतका जिल्लाका केही स्थानमा असिनासहितको वर्षा भएको विभागले जनाएको छ। मौसम प्रणालीको प्रभाव क्रमशः कमजोर बन्दै गएकाले आगामी २-३ घण्टाभित्र मौसममा सुधार आउने सम्भावना रहेको महाशाखाले जनाएको छ।
विभागले असिनासहितको वर्षाबाट कृषिजन्य गतिविधि तथा दैनिक जनजीवनमा सामान्य प्रभाव पर्न सक्ने भएकाले आवश्यक सतर्कता अपनाउन समेत आग्रह गरेको छ|
