काठमाडौं । नेपाली बजारमा बुधबार सुनको मूल्यमा उल्लेख्य वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला १ हजार १०० रुपैयाँले बढेको हो।
महासंघले जनाएअनुसार आज छापावाल सुन प्रतितोला ३ लाख ६ हजार ६०० रुपैयाँमा कारोबार भइरहेको छ। यसअघि मंगलबार यही सुन प्रतितोला ३ लाख ५ हजार ५०० रुपैयाँमा कारोबार भएको थियो।
त्यसैगरी, आज सुनको मूल्य प्रति १० ग्राम २ लाख ६२ हजार ८६० रुपैयाँ कायम भएको महासंघले जनाएको छ।
सुनसँगै चाँदीको मूल्य पनि उकालो लागेको छ। आज चाँदी प्रतितोला ५ हजार २९० रुपैयाँमा कारोबार भइरहेको छ, जबकि अघिल्लो दिन यसको मूल्य प्रतितोला ५ हजार २४० रुपैयाँ थियो।
महासंघका अनुसार अन्तर्राष्ट्रिय बजारमा हुने मूल्य उतार-चढावका आधारमा नेपाली बजारमा सुन तथा चाँदीको दैनिक मूल्य निर्धारण गरिने गरिएको छ।
