काठमाडौं । मंगलबार सुनचाँदीको मूल्यमा सामान्य वृद्धि देखिएको छ। नेपाल सुनचाँदी व्यवसायी महासंघका अनुसार सुनको मूल्य प्रतितोला रु ३ लाख ९ हजार ९ सय कायम भएको छ।
सोमबार सुनको मूल्य प्रतितोला रु ३ लाख ९ हजार ५ सय थियो। यसअनुसार मंगलबार अघिल्लो दिनको तुलनामा सुन प्रतितोला रु ४ सयले वृद्धि भएको महासंघले जनाएको छ।
त्यस्तै, १० ग्राम सुनको मूल्य मंगलबार रु २ लाख ६५ हजार ६९० पुगेको छ भने सोमबार यो मूल्य रु २ लाख ६५ हजार ३४५ थियो।
चाँदीको मूल्य पनि बढेको छ। मंगलबार चाँदी प्रतितोला रु ५ हजार ३३५ पुगेको छ भने सोमबार यो रु ५ हजार २६५ थियो। यसअनुसार चाँदी प्रतितोला रु ७०ले वृद्धि भएको छ।
१० ग्राम चाँदीको मूल्य मंगलबार रु ४ हजार ५७४ कायम भएको छ भने सोमबार रु ४ हजार ५१४ थियो।
यस वृद्धि संगै सुनचाँदीको बजारमा हल्का उतारचढाव जारी रहेको देखिन्छ।
