काठमाडौं। भोटेकोशी बाढीबाट प्रभावित तथा पीडित परिवारका लागि ब्रह्माकुमारी राजयोग सेवा केन्द्रले १ करोड १ लाख रुपैयाँ बराबरको सहायता उपलब्ध गराएको छ।
विनाशकारी बाढीबाट प्रभावित नागरिकको राहत तथा पुनर्स्थापनामा सहयोग पुर्याउने उद्देश्यले उक्त सहायता प्रदान गरिएको हो।
बाढीबाट ठूलो जनधनको क्षति भएको अवस्थामा विभिन्न संघसंस्था तथा सामाजिक क्षेत्रबाट राहत र सहयोग जुटाउने क्रम जारी छ। ब्रह्माकुमारी राजयोग सेवा केन्द्रको यो सहयोगले प्रभावित परिवारको राहत तथा पुनर्स्थापनामा केही योगदान पुग्ने अपेक्षा गरिएको छ।
