काठमाडौं। नेपाल–चीन सीमा क्षेत्रमा आएको विनाशकारी बाढी तथा पहिरोबाट भएको ठूलो जनधनको क्षतिप्रति अष्ट्रेलियाका प्रधानमन्त्री एन्थोनी अल्बानिजले गहिरो दुःख व्यक्त गरेका छन्। उनले कठिन परिस्थितिबाट गुज्रिरहेको नेपाल एक्लो नरहेको बताएका छन्।
अष्ट्रेलियाली संसद्लाई सम्बोधन गर्दै अल्बानिजले बाढीपछि ३६ जना अष्ट्रेलियाली नागरिक अझै बेपत्ता रहेको जानकारी दिए। उनले विपद्का कारण धेरै मानिसले आफन्त, घर, गाउँ र जीविकोपार्जन गुमाएको उल्लेख गर्दै बेपत्ता व्यक्तिहरूलाई जीवितै भेट्ने आशा ‘चमत्कारको नजिक’ पुगेको बताएका छन्।
नेपालले राष्ट्रिय शोक मनाइरहेका बेला अल्बानिजले विपद्मा ज्यान गुमाउने सबैप्रति श्रद्धाञ्जली तथा शोकसन्तप्त परिवारप्रति समवेदना व्यक्त गरे।
उनले गत शुक्रबार नेपालका प्रधानमन्त्री बालेन्द्र शाहसँग फोनवार्ता गरी अष्ट्रेलियाको तर्फबाट समवेदना व्यक्त गरेको पनि जानकारी दिए।
अष्ट्रेलियाले नेपालमा मानवीय तथा उद्धार सहयोगसमेत पठाएको जनाएको छ। विपद्को समयमा अष्ट्रेलियाबाट व्यक्त ऐक्यबद्धतालाई नेपालप्रतिको अन्तर्राष्ट्रिय मानवीय समर्थनका रूपमा हेरिएको छ।
