२६ फागुन, काठमाडौं। राष्ट्रिय प्रजातन्त्र पार्टी (राप्रपा)ले निर्वाचनमा उल्लेखनीय सफलता हासिल गरेको राष्ट्रिय स्वतन्त्र पार्टी (रास्वपा)लाई आगामी दिनमा जिम्मेवार ढंगले काम गर्न सुझाव दिएको छ।
राप्रपाका प्रवक्ता मोहनकुमार श्रेष्ठले सामाजिक सञ्जालमार्फत रास्वपालाई बधाई दिँदै भविष्यमा देशलाई पछुतो हुन नपर्ने गरी काम गर्न आग्रह गरेका हुन्।
उनले निर्वाचन परिणामले रास्वपालाई अप्रत्याशित र ऐतिहासिक सफलता दिलाएको उल्लेख गर्दै यस्तो उपलब्धिलाई सही दिशामा प्रयोग गर्नुपर्ने धारणा व्यक्त गरेका छन्। श्रेष्ठले लेखेका छन् कि अहिले प्राप्त भएको जनसमर्थनलाई आगामी दिनमा देशले पश्चाताप गर्नुपर्ने अवस्थासम्म नपुर्याउन विशेष ध्यान दिन आवश्यक छ, किनकि त्यस्तो पश्चाताप राष्ट्रले सहन सक्ने अवस्था नहुन सक्छ।
साथै उनले रास्वपाका सभापति रवि लामिछाने र काठमाडौं महानगरपालिकाका मेयर बालेन्द्र शाह (बालेन)लाई पनि बधाई व्यक्त गरेका छन्।
